«Գագարին» նախագծով ուղևորվեցինք Զովաբեր, Դդմաշեն, Ծաղկունք, Գագարին համայնքներ: Ծանոթացանք տեղի տիպային պարտեզների և դպրոցների կառուցվածքին: Տիար Բլեյանը առաջարկեց հեղինակային մոտեցաման յուրովի մեթոդներ և ոգևորություն պարգևեց մանկավարժական խմբերին:
Ճանապարհորդության ընթացքը բավականին հետաքրքիր էր, զարգացնող: Հետաքրքիր էր լսել տիար Բլեյանին: նա այնքան բան էր նկատում իր շուրջը, որին երբևէ ուշադրություն չես դարձնում:
Առաջին կանգառը եղավ Զովաբեր գյուղում: Ծանոթացանք գյուղապետին, ունեցանք զրույց և փորձեցինք հասկանալ, թե ինչն է խանգարում գյուղի զարգացմանը:
Հատված Զովաբեր գյուղի գյուղապետարանից:
Զովաբեր գյուղի մանկապարտեզի վարիչի ուղեկցությամբ գնացինք տեղի պարտեզ:
Հաջորդ կանգառը Դդմաշենում էր: Տեղի պարտեզի պատերը բավականին խնամված և մաքուր էին: Սակայն պարտեզում նկատելի բացակայում էր պարտեզիկների ոգևորությունն, աշխուժությունն ու խանդավառությունը:
Ծաղկունք գյուղի դպրոցը բավականին ոգևորությամբ ընդունեց մեզ: Դեռևս տասը տարի առաջ եղել էին կրթահամալիրում և մեծ խանդավառությամբ մինչ օրս հիշում էին կրթահամալիրում անցկացրած յուրաքանչյուր օր:
Գագարին գյուղը վերջնակետն էր մեր ճամփորդության:
Գագարին գյուղում այցելեցինք նաև տեղի պարտեզ: Պարտեզի կազմը անհամբերությամբ սպասում է, թե երբ է այցելելու կրթահամալիր և ծանոթանալու հեղինակային ծրագրի գաղափարին:
Ճամփորդությունը եզրափակեցինք այցելելով Դդմաշենի 7-րդ դարի Սուրբ Թադեոս եկեղեցի:
Մոնիկա Տոնոյան 