Մաթեմատիկայի կազմակերպումը երրորդ դասարանում իրականացավ բավականին ակտիվ և հագեցած։ Յուրաքանչյուր դասաժամ սկսվում էր բանավոր մաթեմատիկայով, ապա անցում էինք կատարում համակարարգիչներով աշխատանքին։
Դասի 10-15րոպեն իրականացնում էինք բանավոր համրանք, ապա բանավոր հաղորդվում էր նոր նյութը, որն իրականացնում էինք այնպես, սովորղն անգամ գլխի չէր ընկնում, որ նոր հասկացություններ մտավ իր բառապաշարի շարքը։
Խաղացել ենք մի շարք մաթեմատիկական խաղեր։ Սովորողների սիրելի խաղերից էր թիվը հաջորդականությամբ մեծացնելու խաղը։ Միշտ թվերը մեծացնում էինք այնքան, որքան կարողանում էինք։
Ունեցել ենք ընտանեկան նախագծեր, որոնց ժամանակ կատարել ենք մի շարք գործնական աշխատանքներ տարբեր չափման միավորներով։
Ունոցոլ եմ նաև ընտրությամբ գործունեության մաթեմատիկայի խումբ։ Հիմնականում դասերն իրականացրել ենք բացօթյա տարածքներում։ Սովորողների, ինչպես նաև ինձ համար բավականին հաճելի է ասերն անցկացնել բացօթյա, անկաշկանդ միջավայրում։
Մաթեմատիկական դասերի ընթացքում լուծել ենք մաթեմատիկայի ֆլեշմոբի խնդիրները, վերածել ենք խաղի։
Համակարգչային ծրագրերից շատ ենք օգտվել Paint-ից և Word-ից։
Տրվել են նաև առաջադրանքներ, երբ սովորողները հենց իրենք են կազմել խնդիրներ, նկարել իրենց կազմած խնդիրները, ապա ուղարկել ընկերներին և միասին լուծել հենց իրենց կազմածը։
Առաջադրանքները կազմել եմ տարբեր դասագրքերից օգտվելով։ Նախապես կազմել եմ և տեղադրել Word ֆայլում, ապա իրենց ուղարկել դասի ընթացքում էլեկտրոնային հասցեներով։
Տրված նյութերն ամփոփելու համար օգտվել եմ Google form ծրագրից և սովորողները առցանց կատարել են տրված առաջադրանքները։ Աշխատանք այնքանով էր արդյունավետ, որ կարողանում էիր հասկանալ, թե որքանով են յուրացրել տրված նյութը։
Սովորողները ծանոթացել են նաև Sudoku խաղին, ուրախ եմ, որ ոմանք սիրել են այն, և դարձրել իրենց ազատ ժամի խաղերից մեկը։
Մոնիկա Տոնոյան 