День: 16 марта 2021

Մասնակիցներ՝ 3․2 դասարան

Պատասխանատու՝ Մոնիկա Տոնոյան

Վայրը՝ ք․ Էջմիածին՝ Մաչանենց տուն

Օր, ժամ՝ 18․03․2020, 11․00-ից 14։30

Նախագծի նպատակ՝

Պատրաստել  Ծաղկազարդի տիկնիկներ/անվանումները տարբեր գավառներում՝ Նուրի, Թերափ, Խուճուրուրուկ, Չիչի-մամա, Ճիճի-մումա, Մամա չթթիկ, Չամչա խաթուն, Ալլապիտիկ և այլն/։ 

Հայկական զարդանախշերով կավով զարդեր պատրաստել։

Ծանոթանալ հայկական մշակույթին, կենցաղավարությանը՝ շրջայց Մաչանենց տանը։

Ծանոթանալ Ծաղկազարդ տոնին, տոնի արմատներին ու խորհրդին: 

Սովորել օգտվել թել և ասեղից, ծանոթանալ ազգային տարազներին:

Նախապատրաստական աշխատանքներ՝

Ընթերցում ենք տեղեկություններ տոնի, Նուրի տիկնիկի մասին, սովորում ենք ծիսական երգեր, դիտում ենք տեսաֆիլմ,ձայնագրում ենք տեղեկույթները «Մոլորակ» ռադիոյի համար։

Ծաղկազարդ (ծառզարդար, ծառկոտրուկ), գարնանային բացօթյա տոնախմբությունների սկիզբն ազդարարող եկեղեցական և ժողովրդական տոն։ Կատարվում է Զատկից մեկ շաբաթ առաջ՝ ի հիշատակ Քրիստոսի «Երուսաղեմ մտնելու օրվա»;Ծաղկազարդի օրը հայոց եկեղեցիները զարդարվում են ուռենու ճյուղերով, առավոտյան կատարվում է ժամերգություն և Անդաստանի կարգ, որից հետո օրհնված ճյուղերը բաժանվում են հավատացյալ ժողովրդին, որոնք պահվում էին մինչև հաջորդ ծաղկազարդ։ Դրանց վերագրվում էր բարիքի, առատության, պտղաբերության հմայական զորություն։ Հավատալով, որ դրանցով կավելանա յուղը, կբարձրանա կաթնատվությունը, ձվատվությունը, դրանք դրվել են խնոցում, մսուրքում, հավանոցում և այլն։ Անդաստանի արարողությամբ օրհնվում են աշխարհի չորս կողմերը, մասնավորապես Հայոց Հայրապետությունը, հայրենիքը, քաղաքներն ու գյուղերն իրենց բնակիչներով, վանքերը, արտերը և տարվա պտղաբերությունը։ Այն տարվա մեջ կատարվում է 25 անգամ։

Տեղեկույթ Նուրի տիկնիկի մասին։

Արդյունքում կունենանք ծիսական տիկնիկներ, զարդեր, որոնք կօգտագործենք Հարավային դպրոցի ծեսի ժամանակ, հետաքրքիր ֆիլմեր, ֆոտոշարեր, ճամփորդապատումներ՝ սովորողների և դասարանական բլոգներում, ենթակայքում։

Նախապատրաստական աշխատանք՝

«Մոլորակ» ռադիո