Рубрика: Առաջին դասարան

ՄԱՍՆԱԿԻՑՆԵՐ՝ Հարավային դպրոցի 1-2 դասարանի սովորողներ
Ճամփորդության վայր` «Կէան» կրթամշակութային կենտրոն

Ճամփորդության օրը` 26.11.2021թ.
Տևողությունը` 10:00-14:30

Նախագծի պատասխանատուներ՝ Մոնիկա Տոնոյան, Մարինե Մանուկյան

Հասցե՝ Թերլեմեզյան 45/1

Նպատակը՝

• կրթահամալիրի տոնին պատրաստում
• հացի արարման ծեսին մասնակցում
• սովորողների ստեղծագործական, հայրենագիտական, աշխարհագրական, ճամփորդական գիտելիքների զարգացում, ամրապնդում, կողմնորոշում տեղանքում:

Խնդիրները

• Գործունեության նախատեսում և իրականացում
• Խմբով աշխատելու կարողությունների զարգացում
• Շրջակա միջավայրի ուսումնասիրում, ճանաչում

Նախագծի նախապատրաստական աշխատանք՝

Սովորողները ընտանիքի անդամների հետ հորինում եմ լավաշի մասին հանելուկներ։Սովորում են տարբեր առած-ասացվածքներ, հետաքրքիր պատմություններ լավաշի, հացի մասին

Եվա Ղևոնդյանի պատումը լավաշի մասին

Հացթխիկի երգերի ուսուցում

Երգարան

Հաց թխելու խաղերգեր

Հաց թխելու երգեր. տեքստեր

Ջաղացի երգ

Կոտ ու կես

Անհրաժեշտ միջոցներ

• ճամփորդական ուսապարկ
• վրձին, թղթեր, գուաշ, ջրաներկ
• գլխարկ
• թվային միջոցներ՝ ձայնագրիչ, հեռախոս, ֆոտոխցիկ

«Կէան» կրթամշակութային կենտրոնի բակում կերգենք մեր սովորած երգերը։Մասնակցում ենք «Տատիկի հեքիաթ» կրթական, ժամանցային ծրագրին։ Այնուհետև մասնակցելու ենք լավաշթխիկի ծեսին։ Յուրաքանչյուր սովորող կունենա իր թխած լավաշը, որը ցուցահանդես — վաճառքի օրը կհամտեսեն հյուրերը։

Տեխնոլոգիական աշխատանք. սովորողները գուաշի միջոցով կնկարեն իրենց տպավորությունները։

Ակնկալվող արդյունքները

• Ծանոթանում են տեղանքին
• Հավաքում են տեղեկություններ, պատմում և ձայնագրում են իրենց տեսածի և լսածի մասին, զարգանում է բանավոր խոսքը:

Դպրոց վերադառնալուց հետո բոլոր աշխատանքները կթվայնացվեն և կտեղադրվեն դասարանական բլոգում և ենթակայքում։

Թթուդրիկի ծեսն ընտանիքում

Հեքիաթի ներկայացում

Աշնանային տեխնոլոգիա

Ուսումնական աշուն նախագիծը տե՛ս այստեղ:

Հարավի 1-2 դասարանի սովորողներն ի պատիվ Մեծանուն հայի` Կոմիտասի, ուղևորվեցին նրա անունը կրող թանգարան: Նախքան ուղևորվելը միասին փորձեցինք հավաքագրել տեղեկատվություն Կոմիտասի մասին, վերհիշեցինք այն երգերը, որոնք գրել էր Կոմիտասը:

Շրջայցից հետո միասին զբոսնեցինք Կոմիտասի այգում և վայելեցինք աշունը:

Նկարաշարը տե´ս այստեղ:

• Մաթեմատիկայի ուսումնական գործունեության կազմակերպումը դասարանում

Մաթեմատիկան կազմակերպվում է բանավոր, խաղային միջոցներով։ Սովորողներն ամեն առավոտ բանավոր, բարձրաձայն հաշվում են իրենց քանակը և ըստ այդմ որոշում, թե քանի՞սն են ներկա։ Հաշվելու ընթացքում զույգ թվերի ժամանակ տալիս ենք ծափ, փորձում ենք ճանաչել զույգ և կենտ թվերը։ Յուրաքանչյուր թեմա բացատրվում է խաղի միջոցով։ Ծանոթացել են 1….9 թվանշանների գրելաձևին, կարողանում են ճանաչել թվանշանը և տվյալ նիշին համապատասխան թվել առարկաների քանակ։ Դասարնաում բոլորը կարողանում են ուղիղ և հետ հաշվել, զույգ թվերի ժամանակ ծափ տալ։ Գիտեն, թե ո՞րն է աջը և ո՞րը ձախը։ Խաղերի միջոցով ծանոթացել ենք առարկայի ձևին, չափին, գույնին, կարողանում ենք համեմատել առարկաները ըստ առարկայի հատկությունների։ Մաթեմատիկայի դասին կիրառում ենք նաև Paint համակարգչային ծրագիրը, որտեղ սովորողները ստեղծում են ըստ պահանջի երկրաչափական պատկերներ։ Օրինակ՝ տրվում է առաջադրանք, որտեղ պետք է սովորողը ներկայացնի մեկ կարմիր քառակուսի և 2 կապույտ շրջան, սովորողը կառուցում է տվյալ պահանջին համապատասխան պատկերենր։

Մաթեմատիկայի ընթացքում սովորղները կարծում են, որ պարզապես զվարճացնող խաղեր են խաղում, չհասկանալով, որ սովորում են նոր թեմա, նոր հասկացություններ։ Հենց իրենք են անմիջապես դառնում մաթեմատիկայի կրողը և փոխանցողը։

• Հայոց լեզվի  ուսումնական գործունեության կազմակերպումը դասարանում

Լեզվագործունեությունը կիրառում ենք բոլոր դասաժամերին, հարստացնելով մեր բառապաշարը։ Լեզվագործունեության և ընթերցանության դասաժամերը կիրառում ենք փոխկապակցված։ Ծանոթացել ենք Հ. Թումանյանի «Ծիտը», «Ճամփորդները», «Երկինքը փուլ է գալիս», «Պոչատ աղվեսը», «Սուտասանը» հեքիաթներին։ Հեքիաթները միասին վերլուծել ենք, դուրս ենք հանել գործող գլխավոր հերոսներին և այդ հերոսներին վանկատել ենք, հեգել, որոշել, թե որ հնչյունով է սկսվում տվյալ բառը, նոր բառեր կազմել այդ հնչյուններից։

Բարձունքի հաղթահարման ընթացքում ծանոթացել ենք «սար» բառին, միասին վանկատել, որոշել վանկերի քանակը, հեգել, որոշել հնչյունների քանակը, որից հետո սովորողները նկարել են սար և փորձել պատկերել ՍԱՐ բառը։ Մի մասն արդեն ճանաչում է Սար բառի հնչյունների գրելաձևը, մի մասը դեռ չի ճանաչում։

• Ընթերցարանի ժամին ուսումնական գործունեության կազմակերպումը դասարանում

Ինչպես նշվեց լեզվագործունեությունը և ընթերցանությունը փոխկապակցված են իրականացվում և առանձին դասաժամերով չեն արտահայտվում։ Սովորողները ծանոթաել են ինչպես թումանյանական մի շարք հեքիաթների, այնպես էլ սովորել են մի շարք հայ մեծանունների ոտանավորներ։ Օրինակ՝ Ղ.Աղայանի «Առավոտը գյուղում», «Ծիտն ու բազեն», «Սագիկ», Հ. Թումանյանի «Լուսաբացին», «Շունը», «Կռունկներ», Աթաբեկ Խնկոյանի «Մեղու» և այլ սիրելի ոտանավորներ։

Սովորաղները իրենց սովորած ոտանավորների և հեքիաթների բովանդակությունը նկարում են Paint համակարգչային ծրագրով։

Նախատեսում ենք TV և Ռադիո նախագծեր, որտեղ սովորողները կներկայացնեն սիրելի հեքիաթներն ու ոտանավորները։

Ներկայանում է առաջին դասարանի սովորող` Զադոյան Եվան: