Վերապատրաստող՝ Մարիետ Սիմոնյան
- Կարդալ կարգը, քննարկել, անել առաջարկություններ, դիտարկումներ
- Ուսումնական նախագծի մշակման և իրականացման կարգ
2. Կարդալ բոլոր հոդվածները, գրավոր վերլուծել հոդվածներից մեկը՝
- Նախագծային ուսուցումը՝ որպես փորձարկված, կիրառելի, գործող մանկավարժություն «Մխիթար Սեբաստացի» կրթահամալիրում-Մարգարիտ Սարգսյան
- Ուսուցման նախագծային մեթոդ — Նունե Մովսիսյան
- Չփակվող նախագծեր` շարունակական գործունեություն-Հասմիկ Ղազարյան
- Ընտանեկան դպրոցում ուսումնական առարկան ընտանիքի կյանքն է -Աշոտ Բլեյան, Գևորգ հակոբյան, Սուսան Մարկոսյան
Կարդալ կարգը, քննարկել, անել առաջարկություններ, դիտարկումներ
Մխիթար Սեբաստացի կրթահամլիրը հայտնի է իր հեղինակային նախագծային ուսուցման մեթոդներով, որի ժամանակ սովորողին տրվող ցանկացած ուսումնական նյութ տրվում է հետաքրքիր նախագծերի իրականացման միջոցով: Յուրաքանչյուր դասավանդող ուսումնական տարվա սկզբում հրապարակում է տվյալ ուսումնական տարվա նախագիծը, որտեղ արտացոլվում են ինչպես շուրջտարյա նախագծերն, այնպես էլ կարճաժամկետ նախագծեր: Նախագծի իրականացումը ակնկալում է մի շարք խնդիրների լուծում, որի միջոցով կարող ես հասնել քո առջև դրված նպատակներին: Յուրաքանչյուր նախագիծ իրականացնելուց առաջ գրվում է նախագծի պլանը, իսկ վերջում պետք է կատարվի ամփոփում, որտեղ կարտացոլվի նախագծում իրականացվող կետերը:
Կրթահամալիրը լինելով բաց և թափանցիկ, իրականացնում է նախագծեր, որոնք բաց են և հասանելի բոլորին: Տեսանելի են ինչպես նախագծերն, այնպես էլ դրանց իրականացման ընթացքը: Ինչպես նշվեց, նախագծերը բաց են և կարող են նախագծի մասնակից դառնաց ցանկացածը, փոփոխելով նախագծի որոշ կետեր, նպատակներ, խնդիրներ և ակնկալվող արդյունքներ:
Ուսումնական բլոգներում գործում են նախագծեր բաժինը, որտեղ է արտացոլվում է նախագիծը: Այն նախագծերը, որոնք կրթահամալիրային են, ունեն իրենց առանձնահատուկ տեղը mskh.am կայքում։ Կրթահամալիրի յուրաքանչյուր դպրոց ունի իր ենթակայքը, որտեղ երևում են տվյալ դպրոցում դասավանդողների նախագծերն ու արդյունքները։
Յուրաքանչյուր ուսումնական նախագիծ ունի հստակ կառուցվածք, որտեղ պետք է երևա նախագծի անվանումը, իրականցման ժամկետները, նպատակներն ու խնդիրները, ակնկալվող արդյունքները։ Ընթացքում պետք լուսաբանվեն նախագծի ընթացքը, իսկ նախագիծն ավարտելուց հետո, պետք երևա տվյալ նախագծի արդյունքը։
Նախագիծը հրապարակվում է իրականացնելուց մեկ շաբաթ շուտ, իսկ արդյունքն ամփոփվում է, նախագիծն ավարտելուց մեկ շաբաթ հետո։ Նախագծի արդյունքները պետք է ամփոփվեն անհատական, ուսումնական բլոգներում, ենթակայքերում, mskh.am-ում։ Կրթահամալիրային նախագծերն արտացոլվում են ուսումնական օրացույցում, որտեղ նշվում է նաև նախագծի իրականացման ժամկետները։
Ստուգատեսերը, համերգ֊ցուցադրությունները, ճամփորդությունները, վարպետության դասերը, կլոր֊սեղանները նույնպես համարվում են նախագծեր։ Տրված հաշվետվությունից, ամփոփման ձևից ելնելով կրթահամալիրի աշխատողներին նշանակվում է լրավճար, մասնակից սովորողներին կարող է տրվել մրցանակներ։
Կարդալ և գրավոր վերլուծել հոդվածը։
Կարդացել եմ վերը նշված չորս հոդվածները։ Բոլոր հոդվածներն էլ հետաքրքիր էին, ուսուցանող և զարգացնող։
«Ընտանեկան դպրոց» հասկացությունը երկար տարիներ գործում է կրթահամալիրում, իսկ Կորոնավարակի սրացման ընթացքում այն դարձավ առավելի կիրառելի և ընդունելի հասարակության կողմից։
Հասարակության մեջ ձևավորված է այն կարծիքը, որ սովորղը պետք է գնա դպրոցի, սովորի, ձեռք բերի փորձ, ճանաչի շրջակա աշխարհը։ Կրթահամնալիրը դեռ վաղուց որդեգրել է այն համոզմունքը, որ ընտանիքն է առաջին դպրոցը, որտեղ երեխան կարող է սովորել և ճանաչել աշխարհը։ Ընտանեկան դպրոցը լավագույն միջավայրն է, որտեղ կարող ես սովորել, համագործակցել ընտանիքիդ հետ, հանդես գալ սովորեցնողի դերում։
Առարկայական ֆլեշմոբերը լավագույնն են ընդգծում այն կապը, որը ստեղծում է կրթահամլիրը սովորողների և ընտանիքների միջև։ Յուրաքանչյուր ամիս մեկնարկվում են ֆլեշմոբեր, որոնք սովորողը պետք է իրականացնի տանը, համագործակցելով ընտանիքի անդամների հետ։
Մոնիկա Տոնոյան 