Ժամը ժամանակը չափելու միավոր է:
Ժամանակը չափելու միավորներ
Մարդիկ ժամանակը հիմնականում չափում են ժամացույցի միջոցով:
Այս ժամացույցի փոքր սլաքի միջոցով չափում են ժամերը, երկար սլաքի միջոցով՝ րոպեները, իսկ ավելի երկար և բարակ սլաքի միջոցով՝ վայրկյանները:
Ժամը, րոպեն, վայրկյանը ժամանակի չափման ամենահաճախ օգտագործվող միավորներն են: Դրանց միջև գոյություն ունի կապ:
1 ժամում կա 60 րոպե:
1 րոպեում կա 60 վայրկյան:
Հաճախ կարևոր են ժամանակի խոշոր միավորները:
Օրինակ, երբ դու ուզում ես պարզել, թե երբ է վերջանալու ձմեռը, ապա դու հաշվում ես օրերը, շաբաթները, ամիսները:
Այս միավորների միջև ևս գոյություն ունի կապ:
1 օրն ունի 24 ժամ, 1 շաբաթն ունի 7 օր:
Տարբեր ամիսներում օրերի թիվը կարող է տարբեր լինել:
Օրինակ
1. հունվարը, մարտը, մայիսը, հուլիսը, օգոստոսը, հոկտեմբերը և դեկտեմբերն ունեն 31օր
2. ապրիլը, հունիսը, սեպտեմբերը և նոյեմբերն ունեն 30օր
3. փետրվարը հաճախ ունենում է 28օր, սակայն4տարին մեկ այն ունենում է29օր
Կան ժամանակի չափման առավել խոշոր միավորներ, ինչպիսին են՝ տարին և դարը:
1 տարին ունի 12 ամիս:
1 դարն ունի 100 տարի:
Ժամացույց
Ժամացույցը սարք է, որը որոշում է օրվա ընթացիկ ժամանակը:
Հնում օգտագործել են արեգակնային, ավազի, ջրային ժամացույցներ:
Հայտնի են նաև մեխանիկական, աստղագիտական, էլեկտրոնային ժամացույցները:
Ամենահետաքրքիրը բնական ժամացույցներն են: Հնում մարդիկ ժամը իմացել են ծաղիկների միջոցով, և այդ ժամացույցներին ասել են «ծաղկե ժամացույցներ»: Մասուրի ծաղիկները առավոտյան ժամը 4-5-ին են բացվում, փակվում են երեկոյան 7-8-ին, կակաչը բացվում է ժամը 5-ին, փակվում է ցերեկվա 3-ին, խատուտիկը բացվում է 5-6-ին, փակվում է ցերեկվա 2-3-ին, մանուշակը բացվում է առավոտյան 7-8-ին, փակվում է ցերեկվա 5-6-ին, սպիտակ ջրաշուշանը փակվում է երեկոյան 7-8-ին:
- Էլ ի՞նչ ժամացույցներ գիտես: Թվարկի՛ր:
- Դու ի՞նչ ժամացույց ես օգտագործում:
Մոնիկա Տոնոյան 