День: 8 апреля 2020

Մեկ անգամ, երբ դեռ գարուն էր, ես և քույրս մտանք մեր ծնողների ննջասենյակ։ Մենք պահարանի տակ տեսանք կարմիր և կապույտ թղթերով փաթեթավորված իրեր։ Շատ քաշեցինք, քաշքշեցինք, որ հանենք, բայց մեզ մոտ ոչինչ չստացվեց։ Մենք գնացինք և կանչեցինք մեր հայրիկին, որ մեզ օգնի։ Բայց երբ վերադարձանք, տեսանք որ իրերը անհետացել են։ Երբ մի քանի ամսից եկավ Ամանորը, մենք տոնածառի տակ տեսանք այդ նույն կարմիր և կապույտ փաթեթավորված նվերները։
Հարությունյան Խորեն

Մի անգամ տանից դուրս եկա և ոտքով գնացի ամերիկա: Այնտեղ տեսա իմ դասընկերներին, որոնք դարձել էին մեծ մարդիկ, իսկ ընկեր Մոնիկան դարձել էր դերասանուհի և մենք իրեն տեսնում էինք կինոներում: Կարախանյան Աշոտ

Մի բան պատմ եմ, չասեք՝ սուտ է։ Այս արձակուրդների ընթացքում իմ աչքերը կանաչել են։
Մուրադյան Հովհաննես

Ես մի անգամ տեսա մի ձուկ, որը թռչում էր։ Հետո ձուկը իջավ խոտերի վրա և սկսեց վազվզել։ Ես ցանկացա բռնել նրան, բայց նա էլի թռավ։ Գալոյան Միկա

Lինում է, չի լինում մի ուժեղ մարդ։ Այդ ուժեղ մարդը տանից դուրս է գալիս և մոլորվում։ Նա շատ էր սիրում սպորտով զբաղվել։ Նա այնքան ուժեղ էր և հսկա, որ բոլորը նրանից վախենում էին։ Այդ մարդը, երբ մոլորվել էր քայլելու ընթացքում տուն տեսավ։ Նա որոշում է գնալ և այդ տանը բնակվել։ Երբ մտնում է տուն տեսնում է, որ այնտեղ մի աղջիկ է ապրում, անունը՝ Անահիտ։ Աղջիկը տղային տեսնելով վախենում է և փախչում։ Հեռվից հարցնում է․
-Ո՞վ ես դու, ինչո՞ւ ես առանց հարցնելու մտել իմ տուն։
-Ես կորել էի, քո տունը գտա։ Կներես, որ քեզանից թույլտվություն չէի վերցրել, — պատասխանում է տղան։

Պարզվում է, որ աղջկա հայրը արջ է և․․․ աղջիկն էլ է արջ։ Աղջիկը վախեցավ, որովհետև մտածեց որ այդ մարդը որսորդ է և ցանկանում է սպանել իրեն։ Մարդը բացատրեց, որ ինքը մոլորվել է և չի կարողանում վերադառնալ։ Արջ Անահիտը օգնում է տղային գտնելու վերադարձի ճամփան։ Այդ օրվանից նրանք դառնում են ընկերներ։
Հարությունյան Խորեն